Dawran Network

لاہور : ( دوران نیوز آنلائن ) پاکستان مسلم لیگ (ن) یوتھ والنٹئیرز کا اجلاس زیر صدارت سینئر نائب صدر اور چیف آرگنائزر مریم نواز شریف منعقد ہوا۔ اجلاس میں قائد محمد نواز شریف کے 21 اکتوبر کو استقبال کے حوالے سے مشاورت کی گئی۔ اجلاس سے خطاب کرتے ہوئے مریم نواز کا کہنا تھا کہ 21 اکتوبر کو عوام ثابت کریں گے کہ قائد صرف نواز شریف ہیں۔ نواز شریف پاکستان کو بحرانوں سے نکالنے آ رہے ہیں۔ اللہ تعالیٰ نے ہمیشہ نواز شریف کو سرخرو اور سربلند کیا۔ نظام کی اصلاح، عوام کی فلاح نواز شریف کا مقصد ہے۔ ہمیشہ کہتی ہوں کہ نواز شریف کی دی ہوئی ترقی نکال دیں تو پاکستان میں صرف کھنڈرات بچیں گے۔ نواز شریف عوام کو مہنگائی سے نجات، نوجوانوں اور مزدوروں کے لئے روزگار، امن اور ترقی کے ایک نئے دور کا آغاز کریں گے۔ہم نے قوم کی خدمت کا ایک لمحہ ضائع کیا نہ آئیندہ کریں گے۔

سعودی عرب: (دوران نیوز آنلائن ) نگران وزیراعظم انور الحق کاکڑ نے ادا کرلیا۔ جبکہ انہیں خانہ کعبہ کے اندر نماز کی سعادت بھی حاصل ہوئی۔ قبل ازیں وزیراعظم لندن سے دو روزہ دورہ پر سعودی عرب پہنچے تھے۔ جہاں گورنر مدینہ شہزادہ فیصل بن سلمان نے انکا استقبال کیا۔ بعد ازاں نگران وزیراعظم نے روضہ رسول صلی اللہ علیہ وسلم پر حاضری دی۔ اور ریاض الجنہ میں نوافل ادا کیے۔

سیالکوٹ: (دوران نیوز آنلائن) اینکر اور یوٹیوبر عمران ریاض 4 ماہ بعد بازیاب، سیالکوٹ پولیس نے تصدیق کردی۔ عمران ریاض کے وکیل میاں علی اشفاق نے بھی تصدیق کی کہ عمران ریاض گھر پہنچ گئے ہیں۔ یاد رہے کہ عمران ریاض کو مئی کی واقعات کے زد میں گرفتار کیا گیا تھا۔ اور 11 مئی کو انکو رہا گیا تھا۔ پھر تھانے کے باہر سے انہیں نامعلوم افراد کی جانب سے اغواء کیا گیا تھا۔ عمران ریاض صحافی ہیں جو کہ کئی چینلز میں کام کر کے ہیں۔ اور وہ پی ٹی آئی کے حلقوں میں خاصے مقبول ہیں۔

ترکیہ: (دوران نیوز آنلائن) ترکیہ کے صدر رجب طیب اردوغان کا بیان سامنے آیا ہے جسمیں انہوں نے یورپی یونین کو تنبیہ کیا ہے کہ اگر یورپی یونین ہم سے تعلقات چھوڑنا چاہتا ہے تو ہم بھی اپنے تعلقات کا خود جائزہ لینگے  اور ضرورت پڑھنے پر یورپی یونین سے راہیں جدا کرسکتے ہیں ۔گزشتہ 24 سالوں سے ترکیہ یورپی یونین کا خواہش مند رہا ہے تاہم ابھی ترکیہ کہ صدر نے اسے پیچھے ہٹنے کا عندیہ دیدیا ہے۔

پشاور : (دوران نیوز آنلائن)  پاکستان مسلم لیگ ن کی چیف آرگنائزر مریم نواز نے کہا ہے کہ کہ نواز شریف کو مائنس کرنے والے نواز شریف کے ساتھ  ساتھ پاکستان کو ترقی سے بھی مائنس کرگئے ۔ کے پی کے میں پارٹی کے مشاورتی اجلاس سے خطاب کرتے ہوئے انکا کہنا تھا کہ کہ نواز شریف نہیں بلکہ پاکستان کی ترقی واپس آرہی ہے۔ انہوں نے مزید کہا کہ نواز شریف کو مائنس کرنے والے پاکستان کی ترقی کو مائنس کرگئے۔ معمار پاکستان ویلکم بیک سازشیوں گڈ بائے۔ انہوں نے مزید کہا کہ نواز شریف کا مشن پاکستان کو مہنگائی سے نجات دلانا اور ترقی کی راہ پر گامزن کرنا ہے۔ انہوں نے ثابت قدمی سے انتقامی کاروائی کا سامنا کیا اور سرخرو ہوئے۔ سازشی نہیں چاہتے کہ پاکستان معاشی طور پر مظبوط ہو۔

اسلام آباد ( دوران نیوز آن لائن) وفاقی نگران حکومت نے عوام پر ایک اور پٹرول بم گرا دیا۔ پٹرول کی قیمت میں 26 روپے 2 پیسے فی لیٹر اضافہ کیا گیا ہے۔ جسے پٹرول کی فی لیٹر نئی قیمت 331 روپے 38 پیسے ہوگئی ہے۔

 سویڈن میں قرآن پاک کی بے حرمتی کے واقعہ سے عالم اسلام کے مذہبی احساسات اور جذبات مجروح ہوئے ہیں۔  اس افسوسناک واقعے کی آج پارلیمنٹ کے مشترکہ اجلاس میں شدید الفاظ میں مذمت کی جائے گی۔ اشتعال انگیزی کے واقعات کی روک تھام تمام ممالک اور بین الاقوامی تنظیموں کی ذمہ داری ہے۔ ہم احترام، رواداری اور مذہب کی آزادی کے اصولوں پر پختہ یقین رکھتے ہیں۔ اس طرح کے اقدامات نہ صرف افراد کے بنیادی حقوق اور وقار کو مجروح کرتے ہیں بلکہ معاشروں میں تقسیم اور نفرت کی وجہ بھی بنتے ہیں۔ مذاہب کا احترام اور اپنے عقیدے پر عمل کرنے کی آزادی ایک ہم آہنگ اور جامع معاشرے کا بنیادی ستون ہے۔ کسی بھی مذہب سے امتیازی سلوک یا نفرت ان اقدار کے منافی ہے اور اس کی واضح مذمت کی جانی چاہیے۔